"Табигать серләрен бел"

Һәр кеше табигатьне ярата. Әмма алар арасында барлык тереклеккә аерым мөнәсәбәте булган кешеләр дә бар. Табигать моны сизә һәм алар белән үзенең иң яшерен серләрен уртаклаша. Язучы-натуралист Николай Иванович Сладков та шундыйларның берсе иде.

Бүген, аның тууына 105 ел тулу уңаеннан, китапханәгә килгән һәркем «Табигать серләрен бел» эко-сәяхәтенә чыга ала иде. Малайлар һәм кызлар әти-әниләре белән агачлар, кошлар, хайваннар турындагы табышмакларны чишеп, кар өстендәге эзләрнең кемгә туры килүен ачыкладылар һәм кызыклы сорауларга җавап таптылар - төлке фикеренчә, ни өчен чәнечкеләр керпегә килешми? Кыш көне нинди кош җәйне кире кайтара алган?

Бу гаҗәеп Яшел илдәге кызыклы хәлләр турында беләсегез килсә, күргәзмәгә рәхим итегез