"Савыт-саба"

Савыт-саба килеп чыгышы турында сез күп беләсезме? Гасырлар дәвамында ул ничек үзгәргән? Кайвакыт гадәти булып күренгән әйберләр кинәт шулкадәр кызык булып тоела һәм сез аларга яңача карый башлыйсыз.
Бүгенге "Якшәмбе ялы" нәкъ менә шул темага багышланган иде. Нәни Аида әлеге өлкәдә чын белгеч булды. Хәзер ул савыт-сабаның балчык, пыяла, фарфор, пластмасса яки металлдан ясалырга мөмкин икәнлеген белде һәм үз кулы белән тозлы камырдан чынаяк белән тәлинкәне дә бик оста әвәләде.