Патриот-шагыйрь Муса Җәлилнең шигъри таланты, сугышчан батырлыгы һәм хәрби оештыру осталыгы фашизмга каршы аяусыз көрәштә бөтен тулылыгы белән ачылды. Аның исеме дөньяда үзенең Ватанына, үз халкына тугрылыклы булуның гүзәл символына әйләнде. Муса халыклар дуслыгы җырчысы буларак җир йөзендә зур соклану тудыра.
Бүген Г.Тукай исемендәге үзәк китапханәдә инде матур традициягә әйләнгән «Мин татарча укыйм!» дип аталган муниципаль бәйге үткәрелде. Бәйгедә каһарман шагыйрь Муса Җәлилгә 120ел тулу уңаеннан шагыйрьнең шигырьләре һәм аңа багышлап язылган әсәрләр алынды. Яшь үзенчәлекләренә карап бәйге ике номинациядә үткәрелде: 1нче номинациядә 20 яшькә кадәр, 2нче номинациядә 20яшьтән өлкәнрәкләр. Барлыгы 30 кеше катнашырга теләк белдерде.
20 яшькә кадәргеләр арасында:
I урын – Фазуллина Илина Илнур кызы
Хәлиуллин Кәрим Фәргат улы, Хөснуллина Әлфинә Илдар кызы
II урын – Баранова Зәринә Андрей кызы
III урын – Нуруллина Адилә Илнур кызы;
20 яшьтән өлкәнрәкләр арасында:
I урын – Азизова Гөлнур Зиннәтулла кызы
II урын – Хәлилова Халидә Әгъзәм кызы
IIIурын - Сәмигуллина Альбина Әнгам кызы лаек булдылар.
Барлык катнашучыларга да зур рәхмәтебезне җиткерәбез. Киләчәктә дә китап укуга карата мәхәббәтегез сүнмәс, безнең чараларыбызда актив катнашырсыз дип ышанып калабыз.