Сөйлим, тыңла
Сугыш... Халык күңелендә никадәрле авырлык, газап, югалтулар калдырган бу сүз! Бөек Җиңүнең 80 еллыгы якынлашу уңаеннан, китапханәбез "Сөйлим, тыңла" дип исемләнгән үзенчәлекле проектны дәвам итә. Бу проект – сугыш чорының тере шаһитларыннан истәлекләр җыю, аларның авырлыклар аша узган тормыш юлларын халыкка җиткерү максатыннан оештырылды.
Чираттагы әңгәмәдәшебез – балачагы сугыш елларына туры килгән, әмма үзенең тырышлыгы, хезмәт сөючәнлеге белән зур уңышларга ирешкән шәхес – язучы, драматург, Татарстанның атказанган сәнгать эшлеклесе, 14 китап авторы Фәтхулла Абдуллин. Аның тормыш юлы – безнең өчен үрнәк, ә әсәрләре – киләчәк буыннар өчен кыйммәтле мирас.