"Закон" иленә сәяхәт

   Мәктәп укучыларының хокукый белемнәрен арттыру максатында китапханәдә "Закон" иленә сәяхәт ясалды.

   Сәяхәт башында китапханәче барлык балаларның да, тән төсенә, милләтенә яки яшәү урынына карамастан, тигез хокуклы булуы турында сөйләде. Бу хокукларның барысы да мөһим документта – «Бала хокуклары турында " конвенциядә язылган. Укучылар хокукый викторина сорауларына җавап бирделәр, балалар төрле тормыш ситуацияләрендә үзеңне ничек тотарга кирәклеген һәм нинди очракларда закон ярдәменә мөрәҗәгать итәргә кирәклеген ачыкладылар. Балалар шулай ук төрле әкиятләрдәге мисаллар ярдәмендә балаларның хокукларын бозу очракларын ачыклый алдылар. Сәяхәт азагында чарада катнашучылар законнар дип аталган бу гаҗәеп ил турында үзләренең тәэсирләре белән уртаклаштылар.