«Алтын көздә кунакта!»

Көз-буяуларның күптөрлелеге һәм бүләкләрнең юмартлыгы белән сөендерә торган елның искиткеч вакыты. Елның шушы гаҗәеп вакытына багышлап «Алтын көздә кунакта!» дигән танып белү сәгате узды. Чара барышында елның бу фасылында табигать белән ниләр булуы, көзге баз нәрсәгә бай булуы һәм җиләк-җимеш һәм яшелчәләрдән алынган витаминнарның файдасы турында сөйләштек. Көзнең юмарт бүләкләре турындагы китаплар, җиләк-җимеш һәм үсемлекләр турындагы ышанулар, халык билгеләре белән таныштырдык. Шигырьләр, җырлар, күңелле уеннар белән көз бәйрәме бик күңелле үтте.