"Кем матур сайрый"

Яз... Табигатьнең уянуы: якты кояш,
тамчы тама, шатлыклы  кошлар сайравы. Язны канатлы дусларыбызның җырларыннан башка күз алдына китереп буламыни? Һәм очраклы түгел, нәкъ менә яз көне,  без кошлар көнен бәйрәм итәбез.
Бүгенге турнирны шушы бәйрәмгә багышладык. 14 нче лицейның 3"а" сыйныфы укучылары табышмакларны, кошлар турында викториналарны чишеп кенә калмадылар, мәкальләр дә
искә төшерделәр, шуның белән күп яңа мәгълүмат алдылар, көчлерәк булдылар. Ә көчле кешеләр һәрвакыт көчсезләр турында кайгырта. Укучыларның кайгыртуы канатлы дусларыбызга таралыр дип өметләнәсе килә.