"Ватаным флагы"
1994 елдан бирле ел саен 22 августта Россия Федерациясенең Дәүләт флагы көне билгеләп үтелә. Флаг, дәүләтчелек символы буларак, Ил тарихы белән тыгыз бәйләнгән. Истәлекле дата кысаларында балалар китапханәдә Россия флагы көненә багышланган кул эшләре ясау буенча зур булмаган мастер-класста катнаштылар. Чарада катнашучылар дәүләт символларының нәрсә булуын, аларның ни өчен кирәклеген, күп гасырлар дәвамында ничек барлыкка килүен һәм ничек үзгәрүен, шулай ук флаг белән бәйле кызыклы фактларны белделәр.