"Татар халкының кунакчыллыгы" фотозона-экспозиция

18 июньдә, милли бәйрәмебез Түбән Камада гөрләде. Гадәттәгечә, чарадан милли китапханә хезмәткәрләре дә читтә калмады.

Милли бизәкле брошка ясау буенча осталык дәресе балаларның да, әти-әниләрнең дә күңелләренә хуш килде🌷

Викторинада да бик теләп катнаштылар🤗

Фотозонабыздан да халык өзелмәде. Ростов, Кубань, хәтта Курил утрауларыннан килгән кунаклар истәлеккә фотога төшеп киттеләр📸

Түбән Камадан бер ханым, "Былтыргы фотосурәткә кем генә карап сокланмады. Быел да сезнең белән төшәсем килде", - дип безне махсус эзләп килгән. Мондый җылы сүзләр кемне генә сөендермәсен дә кайсыбызның гына  күңелен үсендермәсен икән! 🤗🤗🤗

Башкаларны шатландырып эшли алу - үзе зур бәхет ул! Киләчәктә дә шулай булсачы!