«Нарко-STOP!»: мәгълүмати-танып белү сәгате (12+)

15 июнь көнне 23 нче санлы китапханәдә, Халыкара наркотиклар куллануга һәм аның законсыз әйләнешенә каршы көрәш көне кысаларында, яшүсмерләр өчен «Нарко-STOP!» дигән мәгълүмати-танып белү сәгате узды.

Чара барышында катнашучылар тәмәке, алкоголь, наркотиклар куллануның зыяны, наркотиклар белән бәйле үлем очракларының куркыныч саннары турында белде. Сәламәт яшәү рәвеше, альтернатив гадәтләр - спорт, сәнгать, иҗат белән шөгыльләнүне үстерү турында сөйләгәнне тыңладылар; зарарлы гадәтләр, наркоманлык һәм аларны кисәтү буенча «Наркотиклар - упкынга юл» китап күргәзмзсендә тәкъдим ителгән киңәшләр турында әдәбиятка кыскача күзәтүне карадылар, уйландылар һәм «Бәхетле тормыш - ул...» җөмләсен дәвам иттеләр.

Чара азагында «Кире кагу» уены уйнадылар, акыл иясе турында «Барысы да синең кулда» дигән риваятьне тыңладылар һәм «Наркотикларның зарары» презентациясен карадылар.