Городская библиотека филиал №22
  • Сайт: http://kitap.tatar.ru/tt/site/42317908-22/
  • Телефон: юк
  • E-mail: nchelny.bibl22@tatar.ru
  • Адрес: 423800 РТ, г. Набережные Челны пр. Вахитова, 3,СОШ №48 (Новый город, 54/23). Проезд автобусами и трамваем до остановки «Ак мечеть» по Московскому проспекту, или до остановки «Детские сады» по проспекту М. Вахитова.

«Сандыгы тирән – хәзинәсе бай» Әдәби-музыкаль кичә (6+)

18 декабрь көнне 22 нче санлы китапханәдә, башлангыч сыйныф укучылары өчен, татар халкының тел һәм әдәбият хәзинәсе үсешенә, нәшриятына үзеннән зур өлеш керткән бөек татар язучысы, галим, Г.Тукай исемендәге Дәүләт премиясе лауреаты Нәкый Исәнбәтнең тууына 120 ел булуга багышланган «Сандыгы тирән – хәзинәсе бай» исемле әдәби-музыкаль кичә оештырылды.

Кичә үткән гасыр башында татар халкының тормыш-көнкүреше турында сөйләүдән башланды. Шуннан соң, язучы яшәгән заман һәм аның шагыйрь, тәрҗемәче, драматург, тел белгече, фольклорчы булуы турында искә төшерүче әйберләр тутырылган «Серле сандык» ярдәмендә, балалар Н.Исәнбәтнең тормышын һәм күпкырлы иҗатын танып белде. Шулай ук аның дәреслекләр авторы булуы һәм «Татар халык мәкальләре», «Татар халык табышмаклары», «Балалар фольклоры» өч томлы җыентыкларын бастырып чыгаруы турында белде. «Татар халык мәкальләре» китабы буенча үткәрелгән «Төенчек» уенында укучылар зур мавыгу белән катнашты. «Балалар фольклоры» китабы ярдәмендә бармак һәм халык уеннарын уйнадылар, бишек җырлары җырладылар, такмак әйттеләр, шаян әкиятләр, мәкальләр сөйләделәр һәм тыңладылар. Чара дәвамында катнашучылар Н.Исәнбәт шигырьләрен укыды, «Өч сүз» шигыре буенча видеоролик карады, Илһам Шакиров башкаруында шагыйрь сүзләренә язылган «Син сазыңны уйнадың» һәм Фәридә Кудашева башкаруында шулай ук аның сүзләренә иҗат ителгән «Уракчы кыз» җырларын тыңлады. Әлеге файдалы мәгълүматка бай әдәби чара укучылар өчен өстәмә белем алу чыганагы булды.