«Джанни Родари фантазияләре» Шәһәркүләм иҗади бәйге
Искәртү урнаштыру: / Скачать бу календаре
Бәйгенең төп максаты – танылган итальян язучысы Джанни Родари иҗатын популярлаштыру. Бәйгедә мәктәпкәчә яшьтәге, өстәмә белем бирү учреждениеләрендә тәрбияләнүчеләр, шулай ук гомумбелем бирү мәктәпләрендә укучы балалар катнаша ала.
Бәйге өч номинациядә уздырыла:
– «Родариның яраткан әкиятләре» – Джанни Родари әдәби әсәрләрен (яисә әдәби әсәрдән өзекне) сәнгатьле итеп уку бәйгесе;
– «Сеньор Родари фантазияләре» – Джанни Родари әдәби әсәрләрен (яисә әдәби әсәрдән өзекне) сәхнәләштерү бәйгесе;
– «Родари әкиятләре дөньясында» – язучының әдәби әсәрләре буенча рәсем бәйгесе.
Бәйге түбәндәге яшь төркемнәрендә үткәрелә:
– 4-6 яшьлек балалар;
– 7-9 яшьлек балалар;
– 10-12 яшьлек балалар;
– 13-16 яшьлек балалар.
Бәйгедә катнашу өчен гаризалар, бәйге эшләре, түләү турында квитанцияләр 2020 елның 13 гыйнварыннан 11 февраленә кадәр Чаллы шәһәре, Сөембикә проспекты, 37 нче йорт, 170 нче фатир (43/06-170) адресы буенча 16 нчы санлы китапханәдә яки cbs_filial16@mail.ru электрон почтасына кабул ителә.