«Сугыш буйлап кызлар бара»: хәрби-патриотик марафон (12+)

14 майда 13 нче санлы китапханә «Сугыш буйлап кызлар бара» дигән хәрби-патриотик марафон уздырды.

Марафон Ватаныбыз тарихының героик битләренә һәм аны саклаучыларга - сугышта катнашкан көчле, нык характерлы нәфис затларга, ир-атлар белән бер сафта фронт сызыгында Бөек Ватан сугышын кичәргә һәм көрәшергә туры килгән хатын-кызларның батырлыгын гәүдәләндерүче әдәби һәм сәнгати әсәрләргә багышлана. 

Патриотик укуларда чаллылылар сугыш елларында хатын-кызлар, яшь һәм яшүсмер кызларның батырлыгы, үз гомерләре бәрабәренә күк йөзенең тынычлыгын саклаган снайпер хатын-кызлар, разведчиклар, зенитчылар, танкчылар, шәфкать туташлары һәм хәрби табиблар турында әсәрләрдән өзекләр һәм шигырьләр укыды.  
Күргәзмәдә классик язучылар, фронтовик шагыйрьләр, хәзерге заман авторлары, җирле язучыларның сугышта катнашкан хатын-кызларга багышланган киң танылган әсәрләре тәкъдим ителде.