«Малайлар һәм кызлар турында»: уен-ярыш (6+)

25 февраль көнне 10 нчы санлы китапханәдә ике бәйрәм - Ватанны саклаучылар көне һәм Халыкара хатын-кызлар көне уңаеннан, «Малайлар һәм кызлар турында» дигән бик күңелле һәм кызыклы уен-ярыш үтте. 

Малайлар һәм кызлар үзара төз атуда, тизлектә, тапкырлыкта, игътибарлылыкта, зирәклектә ярышты. 

Кызлар «Остабикә» бәйгесендә үзләрен чын хуҗабикәләр буларак күрсәтте. Алар җепкә тиз арада сәйләннәрне тезәргә тиеш булды. Ә «Исемнәрне ата» бәйгесендә кызлар тиз һәм җиңел итеп әкият исемнәрендә очрый торган хатын-кыз исемнәрен атады. 
Малайлар, үз чиратында, үзләрен чын батыр ватанны саклаучылар итеп күрсәтте. «Тапкырлык» бәйгесендә алар катлаулы сорауларга җавап бирде һәм хәрби һөнәрләр һәм хәрби техника турында табышмакларга җавап бирде, ә «Солдат боткасы» бәйгесендә исемлектән ботка пешерү өчен кирәкле продуктларны җиңел генә сайлап алды. 
Командалар «Махсус йөкләмә» уенында бергә-бергә тизлеккә хәрби техника рәсемнәре белән пазлларны  җыйды һәм «Балык тоту» бәйгесендә балык тотты. 
«Кем яхшырак: кызлармы, малайлармы?» соравына җавап табылмады. Бу бик мөһим дә түгел. Иң мөһиме, җир йөзендә батыр, кыю малайлар һәм күркәм, чибәр кызлар бар!