“Мәҗит Гафури укулары”
10 нчы октябрьдә Г.Тукай исемендәге Үзәк китапханә хезмәткәрләре шәһәребезнең 11 гимназиясендә 6 “А” сыйныф укучылары белән “Мәҗит Гафури укулары” үткәрделәр. Анда балалар татар һәм башкорт әдәбиятларының классигы, күренекле язучы һәм “Башкортстанның халык шагыйре” Мәҗит Гафуриның тормыш юлы, иҗаты белән таныштылар. Язучының шигырьләрен һәм мәсәлләрен укыдылар. 1980-1984 елларда Татарстан китап нәшриятында басылып чыккан дүрт томлык әсәрләр җыелмасы белән таныштылар.
