«Матурлык дөньясында»
15 октябрь көнне Г.Тукай исемендәге Үзәк китапханәдә «Матурлык дөньясында» дигән иҗади очрашу узды.
Кичә шагыйрь Николай Казаковның «Сайланма әсәрләр» исемле яңа җыентыгын тәкъдим итү белән башланып китте. Ул үзенең яңа һәм инде яратып өлгергән шигырьләрен тәкъдим итте.
Шигърият бәйрәмендә шулай ук җирле шагыйрьләр Марат Мавлин, Ольга Федорова, Алия Губайдуллина, Марина Сосункевич һәм ЛМХПК студентлары да катнашты. Шагыйрьләр үзләренең танылган һәм яңа иҗат ителгән шигырьләрен укыдылар.