«Бүген бездә Сабантуй»
8 нче июньдә Мөэмин-Каратай авылында Сабантуй бәйрәме үткәрелде. Әлеге милли бәйрәм китапханә һәм мәдәният йорты хезмәткәрләре тарафыннан оештырылды. Сабантуйны китапханәче Шәмсуаров Таһир алып барды. Җыелган халыкка, кайткан кунакларга төрле ярыш-бәйгеләр тәкъдим ителде. Бигрәк тә авыш колгага менү, капчык сугышы, гер күтәрү, тауга йөгерү, аркан тарту, аеруча гасырлардан килгән милли көрәш ошады. Ярыш-бәйгеләр музыкаль күчтәнәчләр белән үрелеп барды.