«Сандугачтай моңлы Тукай теле»

29 гыйнварда татар һәм туган як турындагы әдәбият бүлегендә Габдулла Тукайның 140 еллык юбилее уңаеннан бай эчтәлекле экспозиция эшли башлады. Анда шагыйрьнең китаплары, шул заманны чагылдырган каләм-каралар урын алды. Әлеге экспозиция белән танышырга Алабуга медицина көллияте студентлары килде.

Китапханәчеләр студентларга татар халкының бөек шагыйре Габдулла Тукайның тормыш юлы һәм иҗаты турында сөйләделәр. Шулай ук аларга Г. Тукайның китап күргәзмәсе тәкъдим ителде.

Китапханәче  Г.Тукайның «Һәр ялтыраган алтын түгел» шигырен татар телендә укыды. Студентлар шул ук шигырьне  «Не все то золото,  что блестит» рус һәм татар телләрендә укыдылар.

#ТукайныБергәләпУкыйбыз #ЧитаемТукаяВместе.