«Ватан хакына батырлык! Подвиг во имя Родины!»

2026 ел Татарстанда Хәрби батырлык һәм хезмәт фидакарьлеге елы дип игълан ителде. Шул уңайдан, 15 гыйнвар көнне, татар һәм туган як турындагы әдәбият бүлеге китапханәчеләре «Ватан хакына батырлык! Подвиг во имя Родины!» исемле мәгълүмат сәгате уздырды. Китапханәче исемнәре Татарстан елъязмасына алтын хәрефләр белән язылган җирле геройлар белән таныштырды. Фронтта һәм тылда Җиңүне якынайткан, үз хезмәтләре һәм батырлыклары белән туган ягын данлаган кешеләр турында сөйләде. Шулай ук әлеге елга карата оештырылган бай эчтәлекле китап күргәзмәсе белән таныштырды. Күргәзмәдә «Батырлар китабы. Книга Героев», «Герои Российской Федерации. Россия Федерациясе Геройлары», «Кавалеры Ордена Славы трех степеней. Дан Орденының тулы кавалерлары» һ.б. китаплар урын алды.