«СигНатура» – кызыклы кешеләр белән очрашу

23 октябрь көнне А.С.Пушкин исемендәге Үзәк китапханәнең Пушкин залында «СигНатура» – кызыклы кешеләр белән очрашу» проекты кысаларында чираттагы утырыш узды. Әлеге проектның максаты: төрле өлкәләрдә эшләүче яшь алабугалылар белән танышу, аларның тормыш юлына тулырак тукталу һәм шәхеснең уңыш серен ачыклау.

Бу юлы очрашуга «Алабуга нуры» район газетасының өметле журналисты Резеда Нуриева килде. Ул КФУның Алабуга институты студентларына татар журналистиксына ничек кереп китүе турында сөйләде. Бу һөнәрнең кайбер серләрен ачты, тәҗрибәсе белән уртаклашты һәм күпсанлы сорауларга җаваплар бирде. Ахырдан килгән кунагыбыз яшьләргә изге теләкләрен җиткерде.