«Ач, шигърият, серләреңне» районкүләм әдәби фестиваль

28 нче апрель көнне «Адымнар – Алабуга» күптелле белем бирү комплексында «Ач, шигърият, серләреңне» районкүләм әдәби фестивале узды. Фестивальдә мөхтәрәм кунаклар – танылган язучы, шагыйрь, филология фәннәре кандидаты,  Татарстанның Габдулла Тукай исемендәге Дәүләт премиясе лауреаты Факил Сафин һәм язучы, прозаик, шагыйрә Әлфия Ситдикова катнашты. Шулай ул чарада “Чулман” әдәби-музыкаль берләшмәсе әгъзалары чакырулы иде. Алар үзләре иҗат иткән хикәя, нәсер һәм  шигырьләрне башкардылар.

Әлеге чарада А.С. Пушкин исемендәге Үзәк китапханәнең әйдәп баручы китапханәчесе Гүзәл Шарипова да катнашты.