«Татарның мәшһүр улы Каюм Насыйри»

    Бүген китапханәдә ХIХ гасырның данлыклы татар этнографы, әдәбиятчысы, фәлсәфәчесе һәм мәгърифәтчесе Каюм Насыйрига 200 ел тулуга багышланган «Татарның мәшһүр улы Каюм Насыйри» исемле мәгълүмат сәгате узды. Китап укучылар аның язучы буларак та, һөнәрче буларак та бай биографиясе, күпкырлы таланты һәм иҗаты белән таныштылар. Катнашучылар өчен язучының китаплары белән күргәзмә һәм Каюм Насыйриның тормыш юлы турында мәгълүматлы презентация тәкъдим ителде. Каюм Насыйри каләме астында кырыктан артык үзенчәлекле әсәр иҗат ителде. Аның эшчәнлеге энциклопедик характерга ия.

 Бу чараның әһәмияте: яшь буынга безнең тарихыбызны, әдәбиятыбызны һәм мәдәниятебезне җиткерү.