«Каюм Насыйри – татар мәдәниятенең якты йолдызы»
2025 елның 14 февралендә татар халкының танылган мәгърифәтчесе, тел галиме, тарихчы, язучы, фольклорчы Каюм Насыйриның тууына 200 ел. Шул уңайдан татар һәм туган як турындагы әдәбият бүлеге китапханәчеләре Пушкин залында «Каюм Насыйри – татар мәдәниятенең якты йолдызы» исемле әдәби кичә уздырды. Анда Алабуга медицина училищесының 1 курс студентлары катнашты. Әлеге чарада студентлар Каюм Насыйри тормышы, иҗаты белән таныштылар, «Каюм Насыри. Молитва в бессонную ночь» фильмын карадылар, викторина сорауларына җавап бирделәр. Шулай ук әдәби кичәгә китап күргәзмәсе оештырылды. Анда К.Насыйриның күпкырлы эшчәнлеген чагылдырган китаплар, матбугат басмалары урын алды.
