«Китап илендә кунакта»

     Татар һәм туган як турындагы әдәбият бүлеге китапханәчеләре Алабуга мәдәният һәм сәнгать көллияте студентлары өчен экскурсия уздырды. Студентлар татар һәм туган як турындагы әдәбият бүлеге фонды, барлыкка килү тарихы, аның эшчәнлеге турында кызыклы мәгълүмат алды. Китапханәче «Гаилә бәхете – ил иминлеге», «Туган төбәгебезнең иҗади чишмәләре», «Пушкин һәм Тукай – ике якты йолдыз», «Республика тормышыннан вакыйгалар», «Үзенчәлекле язучы» исемле китап күргәзмәләре белән якыннан таныштырды. Китап укучыларда танылган драматург Таҗи Гыйззәткә багышланган музей экспозицияләре зур кызыксыну уятты.