«Юмор патшасы»: китап күргәзмәсе янында әңгәмә.

Юмор остасы Фаил Шәфигуллинның тууына  80 ел тулды. Шушы истәлекле  көн  уңаеннан балалар китапханәсе – 3нче филиалда  «Юмор патшасы»  дип исемләнгән күргәзмә янында әңгәмә узды. Укучылар кыскача гына юбилярның тормыш юлы һәм иҗаты белән таныштылар. Фаил Шәфигуллинның иҗаты күпкырлы. Ул – шагыйрь, прозаик, юмор остасы, публицист һәм журналист та. Үз иҗатын ул шагыйрь буларак башлап җибәрә, аның шигырьләренә җырлар иҗат ителгән. Шулай да ул үзенең төп игътибарын проза жанрына, бигрәк тә аның юмор  - сатира төренә һәм яшьләр – балалар әдәбиятына юнәлтә. Матур, җанлы тел белән, үтемле итеп  язылган,  бай эчтәлекле әсәрләрен укучылар  эле бүген дә яратып укыйлар.