Күргәзмә – викторина «Татарстан минем Ватаным»
Балалар китапханәсе – 3нче филиалда «Татарстан минем Ватаным» дип аталган күргәзмә янында балалар өчен әңгәмә узды. Күргәзмәдә Татарстан турында татар һәм рус телләрендә китаплар урын алган иде. Китапханәче укучыларны китап күргәзмәсе, туган җиребезнең бай тарихы белән таныштырды. Татарстан Республикасының төп символлары булган гимн, флаг һәм герб турында сөйләде. Укучылар Татарстанның казылма байлыклары, табигате, зур шәһәрләре турында мәгълүмат алдылар. Балалар викторина сорауларына җаваплар бирделәр.