«Татар халык ашлары»: китапханәче тәкъдим итә

Балалар китапханәсе – 3 нче филиал укучылар игътибарына «Татар халык ашлары» китапларын тәкъдим итә. Татар халкы элек-электән аш-суга осталыгы белән дан тоткан. Гасырлар дәвамында барлыкка килгән  милли ашлар әлегә кадәр үзләренә хас сыйфатларны сакланганнар. Ашларның үзенчәлеге халыкның тормыш рәвешенә бәйле булган. Юныс Әхмәтҗанов хезмәтләре буенча әзерләнгән әлеге китаплар аш-су сөючеләр һәм уңган хуҗабикәләр өчен зур бүләк булыр дип уйлыйбыз.