“Сюрприз для милой мамы”

Яз – табигатьне яшеллеккә, чәчәккә күмә торган чак, ә аның тәүге бәйрәме –  8 март, гомумән, чәчәкле бәйрәм санала. Бу көнне кешелекнең  гүзәл, нәфис  яртысы чәчәк бәйләмнәре кабул итә.

Әниләргә, әбиләргә, апа-сеңелләргә тере  чәчәкләр дә, балаларның кул җылысын кушып эшләнгән, матурлыгы белән бик озак күзләрне иркәләгән чәчәкләр дә бик кадерле була.

Балтач гимназиясенең  2-И сыйныфы укучылары 6 март көнне Балтач Үзәк китапханәсе каршында эшләп килүче  “Салават күпере” клубының “Сюрприз для милой мамы” дип аталган  чираттагы мастер-классында  катнаштылар. Иң  элек катнашучылар әниләргә багышланган китаплар белән таныштылар, әни турында шигырьләр  тыңлап үттеләр.  Чараның икенче өлешендә алар чәчәкле бүләк ясарга өйрәнделәр.