“Муса Җәлил данлы итте илен”

Каһарман шагыйрь Муса Җәлилгә багышланган чаралар циклын дәвам итеп, 17 февраль көнне Балтач Үзәк балалар китапханәсендә “Муса Җәлил данлы итте илен” дип аталган әдәби-танып белү сәгате үтте. Чарада Балтач урта мәктәбенең 3-В сыйныфы укучылары катнашты. Иң элек  Муса Җәлилнең тормыш юлы турында сөйләнелде. Укучылар башкаруында патриотик рухтагы шигырьләр  Ватаныбыз азатлыгы өчен көрәшкән батыр ир-егетләргә дан җырлады. Чара шагыйрьнең балаларга багышланган  шигырьләре, күңелле уеннар  белән дәвам итте.