“Кул эшемдә - күңел җылым”

Яңа елга бүләкләрне Кыш бабай белән Кар кызы алып киләләр. Ул бүләкләр матур нәни капчыкларда, тартмачыкларда булырга мөмкин. Ә менә 4 декабрь көнне, инвалидлар декадасы кысаларында,  Балтач Үзәк китапханәсе каршында эшләп килүче “Салават күпере” (“Радуга”) клубы үткәргән мастер-класста балалар бүләкле дә  булдылар, нәни капчыкларны  үзләре бизәп тә карадылар. Берьюлы ике сөенеч:  үз куллары белән бизәлгән капчык, ә аның эчендә кирәкле дә, баллы да Яңа ел күчтәнәче! Якынлашып килүче Яңа ел белән сезне, кадерле балалар! Сөенечләрегез гел күп булсын!