"Китаплы кыш"
Мәктәптә генә түгел, китапханәдә дә дәресләр була. 11 декабрь көнне Балтач Үзәк балалар китапханәсендә "Китаплы кыш" дип аталган библиоmix узды. Балтач гимназиясенең 1-Б сыйныфы укучылары математика, литературное чтение, татар теле, музыка дәресләрендә балалар китаплары, әкиятләр буенча төзелгән биремнәрне чиштеләр. Тәнәфесләр турында да онытмадылар алар, хәрәкәтле уеннар белән башны ял иттереп тә алдылар.