“Мы Вас любим, уважаем»

4 октябрь көнне Балтач Үзәк балалар китапханәсендә “Мы Вас любим, уважаем» дип аталган бәйрәм программасы  уздырылды. Чарага Балтач урта мәктәбенең 1-В сыйныфы укучылары һәм аларның әби-бабайлары килде.

Бәйрәм тантанасын алтын-сары яфракларга бизәлгән Көз кызы алып бару һич юкка түгел. Чөнки табигатьтә – алтын көз, әби-бабайларыбыз да алтынга тиң кешеләр! Аларның  киңәшләре, тәҗрибәләре дә алтын! Балалар  әби-бабайларына үзләренең җырларын, шигырьләрен бүләк иттеләр. Ә акыллы Көз кызы бәйрәмне төрле уеннар белән тагын да ямьләтте. Балалар өлкәннәр белән “Танышу”, “Буталган әкиятләр”, “Йомгагым”, “Шаян лотерея”, “Җырларны танып бел” уеннарын уйнадылар.  Бәйрәм программасы биюле конкурс белән тәмамланды.