“Туган телем – моңлы көем”

21 февраль – Халыкара туган тел көне.Туган теле – һәр балага әти-әнисе тарафыннан бүләк ителгән иң зур байлыкларның берседер. Һәр тел үзенә күрә бай, зирәк, матур. Балалар туган телләрендә “тылсымлы”, “татлы” сүзләрне беләләр микән? Әдәп-әхлак, матур сөйләшү кагыйдәләренә   өйрәткән китаплар белән таныштыру максатыннан, 21  февраль көнне Балтач Үзәк китапханәсендә “Туган телем – моңлы көем” дип аталган китап күргәзмәсе янында әдәплелек минутлары үткәрелде. Укучылар татар, рус, удмурт телләрендә “тылсымлы”, “татлы” сүзләрне искә төшерделәр.