Мәдәни десант

Чара Татарстан Республикасының түбәндәге муниципаль районнарыннан мәдәният учреждениеләре хезмәткәрләрен берләштерде: Әтнә, Арча, Балтач, Кукмара, Балык Бистәсе,Саба, Теләче. Китапханә хезмәткәрләре кунаклар өчен заллар буйлап экскурсия үткәрделәр. Катнашучылар учреждениенең төрле бүлекләрендә булдылар‑аларның һәрберсе үзенчә уникаль һәм заманча китапханә эшенең күпкырлы булуын күрсәтә. Күренекле татар шагыйре Габдулла Тукайның тууына 140 ел тулу уңаеннан оештырылган тематик күргәзмә кунакларның игътибарын җәлеп итте. Экспозиция классикның тормышының һәм иҗатының төп этаплары, шулай ук аның әсәрләренең төрле форматтагы басмалары белән таныштырды. Китапханәнең икенче катында тагын бер кызыклы экспозиция — кулдан эшләнгән әйберләр күргәзмәсе эшләде.

Экспозиция халык һөнәрләренең байлыгын һәм Балтач районы осталарының талантын күрсәтте. Семинар-практикум катнашучыларга һөнәри тәҗрибә уртаклашырга, иң яхшы тәҗрибәләр белән танышырга һәм муниципаль районнарда мәдәният өлкәсен үстерүнең актуаль мәсьәләләре турында фикер алышырга мөмкинлек бирде.