"Әфганстан - йөрәк ярасы"

•  Салавыч күппрофильле лицеенда  Әфганстандагы сугышны искә алу көненә багышланган "Әфганстан - йөрәк ярасы" исемле тематик сәгать үткәрелде.. Чара барышында укучыларга сугышның тарихи контексты, Әфганстанга совет гаскәрләрен кертү сәбәпләре һәм илебез кичергән югалтулар турында сөйләнде. Салавыч авылында туган, сугыш хәрәкәтләрендә катнашкан авылдашларга аерым игътибар бирелде. Укучылар аларның батырлыклары һәм авыр язмышлары турында белделәр. Әфганчы авылдашларга багышланган презентация карадылар.Чыгыштан соң фикер алышу булды, анда балалар сораулар бирделәр һәм сугыш турындагы фикерләре белән уртаклаштылар. Чара һәлак булган әфганчылар истәлегенә бер минут тынлык белән тәмамланды.