"Всю душу выплесну в слова"

Сергей Есенин – рус поэзиясенең иң күренекле шагыйрьләренең берсе, аның иҗаты туган җиргә, табигатькә һәм кеше күңеленә булган тирән хисләр белән сугарылган. Шагыйрьнең шигырьләре лирик һәм драматик рухта язылган, ул үзенең әсәрләрендә табигатьнең матурлыгын, аның һәр мизгелен, кешеләрнең хисләрен һәм кичерешләрен гаҗәеп осталык белән сурәтли. С. Есенинның иҗаты, аның шигырьләрендә табигатьнең һәм кеше күңеленең иң нечкә халәтләрен тоюы, композиторлар өчен дә зур илһам чыганагы булып тора.                                                                                                                                                        3 октябрь көнне Теләче үзәк китапханәсендә Сергей Александрович Есенинның тууына 130 ел тулу уңаеннан китап күргәзмәсе куелды.  Әлеге күргәзмәдә шагыйрьнең иҗатын һәм тормыш юлын тирәнрәк аңларга ярдәм итүче, төрле елларда басылып чыккан шигырьләре һәм поэмалары тәкъдим ителде.