«Андерсен әкиятләре буенча сәяхәт»

Халыкара балалар китабы көнендә 4 апрель көнне Иске Җөри авыл модель китапханәсендә «Андерсен әкиятләре буенча сәяхәт» викторинасы уздырылды. Балалар Х.К. Андерсен биографиясеннән күп кызыклы фактлар белделәр, әкият геройлары белән таныштылар, викторина сорауларына җавап бирделәр. Балалар китап турында мәкальләрне һәм әйтемнәрне искә төшерделәр, бәйрәм тарихы белән таныштылар, китаплар һәм уку турында табышмаклар чиштеләр. Чарада катнашучылар яраткан әкиятләрен искә төшерделәр, күңелле конкурсларда катнаштылар: «Әкиятне уйлап кара», «Әкият геройларын аларның портреты буенча таныйбыз», «Бу көйнең нинди әкияттән булуын фаразла», «Әкиятне иллюстрация буенча таны».