"Китаплар да авырый"

18 октябрь көнне Иске Җөри авыл китапханәсендә яшь укучыларыбыз һәр кешенең тормышында китап роле һәм укуның әһәмияте турында белделәр. Балалар китап белән файдалану кагыйдәләрен искә төшерделәр. Аннары китапханәчеләр белән бергә балалар әдәбияты фондын яңадан карап чыктылар һәм ярдәмгә мохтаҗ булган «авыру китаплар»ны ачыкладылар, чөнки вакыт узу белән китапларда битләр бер-бер артлы таркала һәм югала башлый. Балалар күп кенә китапларның ертылган битләрен, тышлыкларын тәртипкә китерделәр һәм үз тәҗрибәләре белән китап төзүгә күпме хезмәт куелуын һәм аның белән ничек мөгамәлә итәргә кирәклеген белделәр.