"Сәламәтлек хәзинәсен эзләп"

7 апрель көнне, Бөтендөнья сәламәтлек көнендә, Үзәк авыл китапханәсе территориясендә балалар өчен «Сәламәтлек хәзинәсен эзләп» дигән матур чара — зарядка-сәяхәт үткәрелде. Бу кояшлы көнне балалар файдалы хәзинә артында мавыктыргыч маҗарага барырга җыелдылар. Шат күңелле Капитан Сәламәтлек мәкерле микробның хәзинәне яшергәнен һәм аны табу өчен, һәр тукталышта биремнәрне үтәп, карта буенча узарга кирәклеген хәбәр итте. Маршрут биш тукталышны үз эченә алган: «Урман аланы», «Табышмаклар мәгарәсе», «Кикимора сазлыгы», «Сәламәтлек Тавы» һәм «Хәзинә». Сынауларны җиңеп, балалар хәзинәгә ничек барып җиткәннәрен сизми дә калдылар. Балалар күңелле, энергияле, физик активлыкның һәм дөрес туклануның файдасы турында яңа белемнәр белән өйләренә кайтып киттеләр.