"Шедеврны белеп кара"
5 февраль көнне Үзәк авыл китапханәсендә сәнгать турында кызыклы «Шедеврны белеп кара» квесты үткәрелде. Анда сәнгатьне яратучы һәм танылган картиналар турында күбрәк белергә теләүче кызлар-егетләр катнашты. Чара берничә өлештән торды, анда танылган рәссамнарның картиналары турында сораулар бирелде. Сораулар төрле катлаулылыкта иде: гадидән алып катлаулыга кадәр. Катнашучылар картина авторын, аның исемен атарга, шулай ук сюжет һәм иҗат тарихы турында сөйләргә тиеш иде. Викторина күңелле һәм кызыклы үтте. Балалар үзләренең белемнәрен тикшереп кенә калмыйча, сәнгать дөньясы турында да күп яңалыклар белә алдылар.