"Салих Сәйдәшев музыкасы дөньясына сәяхәт"

3 декабрь көнне Үзәк авыл китапханәсендә күренекле композитор, ТАССРның халык артисты, татар профессиональ музыкасына нигез салучы Салих Җамалетдин улы Сәйдәшевнең тууына 125 ел тулуга багышланган күргәзмә-күзәтү ачылды.

Экспозициягә аның әсәрләре ноталары белән басмалар, шулай ук Сәйдәшев иҗатының милли музыка традициясен формалаштыруда әһәмияте турында сөйләүче әдәбият кертелгән иде.

Китап күргәзмәсе музыка сөючеләргә генә түгел, татар мәдәнияте һәм аның күренекле вәкилләре турында күбрәк белергә теләүчеләргә дә кызыклы булды.