"Әкият геройларын табып, алга атла"
Саф һавада уйнауның файдасы күп. Мәсәлән, сәламәтлекне ныгыта, күрү сәләтен яхшырта һәм кешенең физик сыйфатларын үстерә.
13 сентябрь көнне Үзәк авыл китапханәсендә «Татарстанда җәй» проекты кысаларында мавыктыргыч чара узды. Балалар әдәби белемнәрне актив ял белән берләштерделәр: алар «Әкият геройларын табып, алга атла» дигән викторинада катнаштылар. Балалар яраткан әкиятләрендәге персонажлар турындагы сорауларга җавап бирделәр. Һәр дөрес җавап өчен катнашучылар алга таба бер адым атладылар, үз алдына квадрат ясадылар. Балалар яраткан әкиятләрен искә төшерделәр һәм өстәлдәге китапларны карадылар. Алар арасында балаларда аеруча кызыксыну уяткан танылган балалар язучыларының әсәрләре дә бар иде. Җиңүчеләр һәм катнашучылар лаеклы призлар алдылар һәм бу чарадан канәгать калдылар.