"Яхшы исеме, якты рухы исән"
Якташыбыз, Татарстан Республикасының халык язучысы Гариф ага Ахуновның тууына 100 ел тулу уңаеннан Арча шәһәренең Язучылар аллеясында әдипнең бюстына чәчәкләр салынды.
Бу истәлекле вакыйгада Арча муниципаль районы башкарма комитеты җитәкчесе Алмаз Гаптрәүп улы Хисаметдинов, Татарстан Республикасы Мәдәният министры урынбасары Дамир Данил улы Натфуллин, Бөтендөнья татар конгрессы Башкарма комитеты җитәкчесе урынбасары Ирек Илдус улы Шәрипов, Татарстан Язучылар берлеге рәисе Ркаил Зәйдулла, халык язучылары катнашты. Чара «Татарстанда җәй» проекты кысаларында уздырылды.