"Хисләр биеклеккә омтыла..."

Үзәк китапханәдә Татарстан Республикасының Атказанган физик культура хезмәткәре, Россиянең Физик культура һәм спорт отличнигы, Россиянең халык мәгарифе отличнигы, туризм буенча ике уку әсбабы һәм алты шигырь китабы авторы Фәрит Минхәировның иҗат кичәсе узды.

Кичәгә хөрмәтле Фәрит Фәтхи улының туганнары, дуслары, хезмәттәшләре, укучылары, шулай ук Арча педагогика көллияте студентлары аның иҗатын яратучылар җыелды.

 Чарада Фәрит Минхәеровның маҗараларга һәм онытылмас тәэсирләргә бай  тулы поход тормышын яктырткан хикәяләре белән танышуга аерым урын бирелде. Чарада  кунаклар тарафыннан җылы сүзләр һәм теләкләр  яңгырады, Фәрит Минхәировның остаз, дус һәм үз эшенең остасы булуын әйттеләр.

Кичәнең кульминациясе Фәрит Минхәировның күптән түгел генә чыккан «Әй, Марста!» китабыннан «Яңа Буратино " шигырен сәхнәләштерү булды. Бу китапның нәфис мөхәррире-танылган шагыйрә, прозаик, Татарстан Республикасының атказанган мәдәният хезмәткәре,Татарстан Язучылар берлеге әгъзасы, Халык язучысы Гариф Ахуновның кызы Наилә Ахунова. Аның осталыгы һәм таланты аркасында китап үзенчәлекле яңгыраш һәм тирән мәгънә алган.

Иҗат кичәсе барлык катнашучыларны уртак кыйммәтләр һәм әдәбиятка мәхәббәт тирәсенә берләштергән якты вакыйга булды.