Синең беренче энциклопедияң

15 ноябрь көнне 12.00 сәгатьтә китапханәдә башлангыч сыйныф укучылары өчен  китапханә дәресе үткәрелде. Очрашуда китапханәче балаларны белешмә материаллар белән таныштырды һәм энциклопедияләр куллану буенча практик дәрес үткәрде. Китапханә дәресен үткәрү өчен китапханәдә энциклопедияләр төрлесеннән әзерләнде, аннары китапханәче  белешмә басмаларга күзәтү ясады. Энциклопедияләрнең билгеләнеше, аларның ничек барлыкка килүе һәм ни өчен кулланылуы, нинди энциклопедияләр булуы, белешмә материалның нинди эзлеклелектә урнашуы һәм алардан ничек файдаланырга икәнлеге турында сөйләде. Чара ахырында балалар белән энциклопедик басмаларда материал эзләү буенча практик дәресләр үткәрелде