“Кем спортны үз итә, шул сәламәт һәм көчле!”

9 апрель көнне Бөтендөнья сәламәтлек көне уңаеннан Ашытбаш авыл китапханәсендә башлангыч, урта сыйныф укучылары өчен танып-белү сәгате үткәрелде. Чара китапханәче белән балалар арасында сәламәтлек, файдалы һәм зарарлы гадәтләр турында сөйләшүдән башланды. Чарада катнашучылар белән сәламәтлек һәм сәламәт яшәү рәвеше турында халык мәкальләре һәм әйтемнәренең мәгънәсе турында фикер алыштылар, шәхси гигиена кагыйдәләрен искә төшерделәр, мәктәп укучыларының көне режимы, дөрес туклану һәм сәламәтлеккә уңай йогынты ясый торган башка факторлар турында сөйләштеләр. Китапханәче белән бергә балалар  физик күнегүләр эшләделәр. Балалар сәламәтлекне саклап калу, мөмкин кадәр актив һәм күтәренке күңелле булып калу серләре турында белделәр. Чара ахырында без балалар белән кеше сәламәтлеге – тормышта төп кыйммәт һәм кешеләр үз сәламәтлекләрен сакларга тиеш дигән нәтиҗә ясадык.