"Сәнгатьле чигү серләре!"

  Апаз авыл китапханәсендә 25 июнь көнне 14:00 сәгатьтә 8-10 сыйныф укучыларының Мәдәният һәм гореф-гадәтләр елына багышланган, авылыбызның һөнәр остасы  Садикова Тәслимә ханым  белән очрашуы оештырылды. Балалар һөнәр остасының биографиясе һәм уңышлары белән таныштылар. Тәслимә Садикова мавыгуы турында сөйләде, балаларга әзер чигүләр күрсәтте. Күбрәк аңлар  өчен чигү тарихы һәм төрләре турында презентация әзерләнгән. Моңа өстәп, чигү тарихына һәм укыту ысулларына багышланган  китап күргәзмәсе дә тәкъдим ителде. Өстәвенә, укучылар бу сәнгатькә кагылып, матурлыкны үз куллары белән ясый алган мастер-класс үткәрелде. Ахырда укучылар милли костюмнарда мөстәкыйль рәвештә декор элементлары белән татар халык биюен башкардылар.