"Хезмәт Геройлары"

  Балачактан ук эшкә тәрбияләнү, аннан курыкмау бик мөһим, чөнки эш белгән кеше беркайчан да югалмаячак. Эш сөючән кешеләргә хәтта дәүләт дәрәҗәсендә дә бүләкләр бирелә. Аларга төрле дәрәҗәләр бирелә. Мәсәлән," Хезмәт Герое " - ул бөтен гомерен эшкә багышлаган һәм җәмгыятькә зур файда китергән кешеләргә бирелә торган исем. Безнең һәм күрше авылларда яшәүчеләр дә бу исемгә ия булдылар. Аларның берсе Галимова Дания Хадиҗан кызы. Ул күп еллар фермада эшли. Аның девизы: герой булып  тумыйлар, эшләп яшәп герой булалар. Аның хөрмәтенә 15 мартта 11 сәгатьтә 1-4 сыйныф укучылары өчен "Хезмәт Геройлары"дип аталган батырлык сәгате уздырыла. Китапханәче балаларга Галимова Даниянең биографиясе, аның казанышлары турында сөйләде. Укучылар аның турында, аның хезмәте, девизы турында белделәр. Әңгәмәнең төп юлламасы В.И. Ленинның "Эшләргә, эшләргә һәм тагын бер тапкыр эшләргә" чакыруы булды, чөнки намуслы хезмәт ярдәмендә генә син уңышлы һәм бәхетле кеше булачаксың.  Батырлык сәгате "Һәр чорның үз геройлары" дип аталган китап күргәзмәсе белән үрелеп барды.