“Хезмәтемнең тире – ачы, җимеше – татлы”

Һәр халыкның тамырлары ерак үткәнгә барып тоташкан һәм хәзер милли бәйрәмнәр рәвешендә терелтелгән үз традицияләре һәм гореф-гадәтләре бар. Татар халкында шундый бәйрәмнәрнең берсе -Уңыш-Сөмбел бәйрәме. Сөмбелә - күңел ачу өчен сәбәп кенә түгел, җәйге хезмәткә йомгак ясау вакыты да. 21 сентябрь көнне Утар Аты мәдәният йортында Сөмбел бәйрәме узды. Мәдәният хезмәткәрләре балаларны бер гаилә булып яшәүче төрле халыкларның милли гореф-гадәтләре белән таныштырдылар. Балалар кызыксынып тыңладылар, сораулар бирделәр, көз бәйрәменең төп героинясы Сөмбелне чакырдылар. Өлкәннәр һәм балалар бәйрәмне оештыручыларга мондый чара өчен рәхмәт белдерделәр, ә алар, үз чиратында, кунакларга мондый бәйрәмнәрне үткәрүне дәвам итәргә вәгъдә бирделәр.