"Хәзинәләр илендә"
23 нче ноябрь балалар язучысы Шәүкәт Галиевның тууына 90 ел уңаеннан балалар китапханәсендә "Хәзинәләр илендә" дип аталган уен-сәяхәт үткәрдек. Әлеге кичәгә Яңа Кенәр урта мәктәбенең 1 нче сыйныф укучыларын укытучылары Хафизова Г.Н. белән чакырдык. Китапханәчеләр укучыларны Ш.Галиевның тормышы һәм иҗаты белән таныштырдылар. Кичәнең икенче өлешендә чарада катнашучылар шагыйрьнең кызыклы, мавыктыргыч һәм гыйбрәтле шигырьләрен тыңладылар.